Gott og Gilt | Ráðgjöf, mannauðsmál, vinnuréttur

Reyndir ráðgjafar

GOTT & GILT

Saman náum við betri árangri

Fagleg ráðgjöf fyrir þinn rekstur

Gott & gilt hefur á að skipa öflugu teymi sem getur komið að ráðgjöf og þjónustu á sviði mannauðsstjórnunar, stjórnunar launakostnaðar og túlkun á kjarasamningum og vinnulöggjöf. Þjónustan byggir á langri reynslu og þekkingu á íslenskum vinnumarkaði. Við leggjum áherslu á einfaldar og skilvirkar leiðir sem stuðla að betri rekstrarárangri.

Góð ráð hjá

GOTT

& GILT

Fagleg ráðgjöf

Góð blanda sérfræðinga sem leita einfaldra

og skilvirkra leiða fyrir þitt fyrirtæki eða stofnun.

Ráðgjafar okkar hafa áralanga reynslu bæði við ráðgjöf og stjórnun í íslenskum fyrirtækjum og leggja áherslu á skilvirkar leiðir að settu marki.

Sigurður Ólafsson

Viðskiptafræðingur frá Háskóla Íslands og lauk MBA prófi í rekstrarhagfræði frá Rotterdam School of Management. Sigurður hefur víðtæka reynslu af starfsmannamálum bæði frá Icelandair, Origo, VÍS og Isavia, auk stjórnunarreynslu sem framkvæmdastjóri Calidris ehf og Varðar Íslandstryggingar hf. Sigurður situr í stjórn lífeyrissjóðs og þriggja fyrirtækja.

Kristín Þóra Harðardóttir

Lögfræðingur með meistaragráðu frá Háskóla Íslands og BA gráðu í heimspeki. Kristín Þóra sinnir verkefnum fyrir Gott og gilt sem sjálfstæður ráðgjafi um vinnurétt og túlkun kjarasamninga en hún hefur langa reynslu af ráðgjöf um vinnurétt bæði á hinum almenna og opinbera vinnumarkaði.

Hildur Björg Hannesdóttir

Yfir 20 ára reynsla af mótun og viðhaldi stjórnunarkerfa fyrir gæði, öryggi og vernd. Sem öryggis- og gæðastjóri Isavia ANS bar hún ábyrgð á innleiðingu og viðhaldi stjórnunarkerfis fyrir starfsleyfi flugleiðsögu og vottorði fyrirtækis vegna þjálfunar flugumferðarstjóra. Sérsvið í ráðgjöf er umsjón, þjálfun og fræðsla í öllu sem varðar stjórnunarkerfi s.s. úttektir, áhættumat, hættustjórnun, atvikatilkynningar, rótargreiningu, þjálfunaráætlanir, hæfniáætlanir, viðbragðsáætlanir og breytingastjórnun. Mikil reynsla í að greina og vinna með staðla, evrópskar og íslenskar reglugerðir og lög m.a. fyrir GDPR, NIS, ERM, upplýsingaöryggi, raforkuvirki, flugleiðsögu og flugvelli.

Gísli Á. Gíslason

Sálfræðingur frá Háskóla Íslands og með Masterspróf í taugasálfræði frá Rice University. Hann hefur unnið við launarannsóknir og greiningar síðustu 15 ár, þar á meðal við launakönnun Intellecta. Einnig hefur hann hannað árangurslaunakerfi, unnið að uppbyggingu launakerfa fyrirtæka, gert mat á launum starfsmanna og stjórnarmanna og framkvæmt aðrar greiningar á launum innan fyrirtækja og launamarkaðnum í heild.